فبراير
16
تحت تصنيف
نكهات وريفية ~ بواسطة الوريف
’
وعودة إلى التدوينات المطبخية ,
صار لي عن المطبخ فترة طويلة بسبب امتحاناتنا المتواصلة مابين أعمال السنة وبعدها على طول النهائية فصار بيننا شوي جفاء ,
فمن خلصت وأنا قاعدة أجرب كل يوم حاجة جديدة على أهلي >> من زود الفرحة بالخلاص :d
“ البروستد “
كثرت الطرق لتصليحه , والكل يسوي الخلطة اللي تناسبه ,
أنا كان لي في طريقة معينة , بس أعجبتني طريقة ” أم حمودي ” في مطبخ المعالي , وهي نفس الطريقة اللي أسويها بس بدون الكورن فليكس ,
المقادير و الطريقة سوا :
- تشترين الأفخاذ الجاهزة إلا إذا فيه أحد يحب الصدور فتقطعين دجاجة كاملة وتتبلينها بالأشياء التالية :
“ كاس صغير لبن + طحينة + ذرّة ملح + ومثلها فلفل أبيض ومافيه مشكلة لو كان أسود وبهارات منوعة حسب الرغبة أو على قولة جَنان حسب اللي موجود عندك بدرج البهارات :1
وبفرامة البصل : ليمونة بقشرها + فص ثوم صغير - مراعاة للي ما يحبون الثوم - + فلفل رومي + بصل + حبة طماطم صغيرة - الطماطم حسب الرغبة - “
الأصل إنك تتبلين الدجاج فيهم يوم كامل بالبرادة , وكل مازادت مدة التتبيل كل ماصار أحسن ,
لكن للي مثلي ماطرى عليهم يسوونه عشاء إلا بعد المغرب :
الطريقة المستعجلة :
قلبي الدجاج في التتبيلة واستمري بتقليبه لحد ما تحسين إنها تشبعت بالتتبيلة بعدين حطيه على نار هادية لمدة نصف ساعة أو ساعة إلا ربع بالكثير , بنفس التتبيلة وبدون ماتضيفين له ماء أو شيء ,
بعدين اتركيه يبرد واخلطي كأسين دقيق + علبة بيكنج بودر
بعدين قلبي قطع الدجاج في الدقيق والـ B.B ثم أغمسيه في بيضتين وارجعي قلبيه ثانية في الدقيق والـ B.B واقليه في الزيت ,
زينيه بسلطة الحمص والزبادي وسميوسة الجبن بالأوريقانو أو ” الزعتر البر “ وحلقات البصل المتبلة بخل أبيض والسماق ,
للمعلومية : حلقات البصل الآنفة الذكر اللي تصلح مع الشوي بس برضه تصلح مع البروستد ,
وبالهناء والعافية ,
226
